علي الربيعي
(1)
ونمشي على جروف الزمن
نمشي وبعدنه متيهين
وروجه على روجة الهوى
ونطير ...
.......... من عشگين
(2)
وسافرنا ..
ليلة حلم
مامن أثر للناس
وكاسين نشرب بعد
... حـّد يخدر الوهواس
(3)
وكل شوﮒ شايل عطر
من ياسمين وياس !
نحضن بعض
ونشد بعض
نلعب ..
ندور ونحط
... ومزتنا كاس بكاس
(4)
كلك حلو ومشتعل
ثوبك والسرير وروحك
لا والشعر مشتعل
... ويطير فوگ سفوحك
(5)
ياخوف يكسر أمس
والليل شيخلصه ؟
وثالثنه يهوى الهمس !
...... ثالثنه ماينسه
(6)
ارتاح واشرب بعد
وشرب بعد ..
اشربني
صفيني من التعب
...... واحرگ نياشيني
(7)
آنه لو شايف بحر
ماشوفه ؟
شفت النهر ينكسر
........ ومسودنه جروفه
(8)
مهموم أسكر قهر
وأحلم بعد بالمطر
مامن مطر؟
...... كل المطر ناسيني
موضوع: ضفة ثالثة 
الثلاثاء أكتوبر 18, 2011 4:36 am