ماتعرك خجل من تغلط وياي
واعرك كلي اذا احس نفسي غلطان
وصلت المرحلة بيها اخجل وياك
بحيث امن احجي يطلع صوتي عركان
اوكف احلامي يمي واسمك ايفوت
تابوت ويفوت ابين عرسان
واغض النضر صاير لمن اشتاق
وأصد الصورتك بعيون عميان
تعب جف ايدي لكن حيل مرتاح
كد ماكلك الله وياك تعبان
ينشف ريج اذاني وكلمة يعتاز
ومتقصر تجيني بجيش خرسان
صعبة وداعتك يتكاود وياك
بالخدعة اشتراك وتدري طمعان
ومامتوازي تطلب منه نيشان
فك جف ايدك وتلكالي نيشان
انام بخنجرك لمن يجي الليل
واكعد والكة روحي بطعنة حلمان
اكض حسراتي واطلع وي الغروب
واشك زيج امي وادعي بوكت الاذان
الهي بجاه دمع عيون الاحباب
عثر كل حبيب بلاسبب خان
امن اسكت لاتضن الساني معكود
انه ازرع سكتي تخضر السان