{اخر وصيه}

ياعين كفي دمعتك لا تهلين

قوي الصبر هذا زمان العجايب

ماقد سمعنا رجع الدمع غالين

ولا سمعنا رد دمعن مصايب

بدل دموعك حاولي بينك وبين

قلبن عساه اليوم ينسى الحبايب

ما أقوول انسي^حاولي^كوود تنسين

خلاااص راحت غايتك بالغصايب

الحب قصه والبطوله لشخصين

وختامها كلن من الحب تايب

ماهو بمثل اللي نظنه من سنين

ماندري انه يوجع الراس شايب

كنا نظن الحب يرسم لقلبين

وسهمن على القلبين بالحبر صايب

واليوم اشوف الحب في دمعة العين

كنه غريب دون دم وقرايب

أنا أشهد انه شتت الحظ اثنين

راحت وتهنا في بحورن غرايب

راحت وانا واطلالها لليوم باقين

ترقب عيوني بابهم والحبايب

اذا انفتح كل الخفايا بي تبين

واذا تسكر جاوب الدمع غايب

أنا قوي القلب اصبحت مسكين

يحق لك يالعين خاوي السحايب

ياعين هلي دمعتك لا تملين

غلطان انا يومن ردعتك وخايب

وآخر وصيه لمن فهم حالتي زين

وأمن بقلبن راح فالحب ذايب

ينحت على قبري رموزن بحرفين

وينحت سهم وقلوب فوق النصايب.

(سرمد )

ياصاحب الحس المرهف

عزفت لنا معزوفتك الخاصه

نسجت كلماتك العميقه

قرأت حروفك

وسرت معها الى غابات الورود

فـ ما اجمل كلماتك التي

تساقطت على جبيني كـ قطرات الندى

وما اجمل عباراتك التي

اخذتني الى عالم من الاحلام

عالم الطفوله المجنون

دمت لنا كـ نجما مشرقأ متميزأ

لك كل ودي واعتزازي