روتين السحالي اليومي بالكليه

اريدكم تتطلعون على روتين سحلياتنه العزيزات كلللللش
بأيام الكلية

تحشيش على بنات الكلية وبألأخص بنات ألمنتدى
يله نبدي

اول متكعد البنية(السحلية) تشوف وجها بالمرايا تخترع لأن شعرهة صاير سيم مال مواعين
تكول عبالك اندومي

تكعد بعدين بلغرفة تشغل الضوة باعتبار المولدة الجبيره بابا مشغلهه (عدكم
علم سابقاً التايكر 2.5 امبير) تلزم الشسوار وتجر بشعرها وترجع ليورة
يكول عبالك لعبة شد الحبل
تخلص شعرها بعد مايحترك ابو ابوه تكوم ع الكنتور

تصفن فد ربع ساعة شألبس هذه لو هذه اخر شي تصفة عله اتعس شي
وهذا طبعآ بعدما الكنتور يصير ع الجربايه

تكوم ع المراية الخاتون وتاخذ جص عله سمنت على اشكم طابوكة...... لالا مو دتبني دتلون جهرتها
عاااااااااااا

وتحط هلاساس الي يسمع يكول راح تبني بيت ..اساس وطابوك المهم وجها يصير الوان الطيف الشمسية ويه شعرها المكفش ايباااااااخ
ولا (كاميرون دياز)

اهوووووووووو طفت المولده (طبعاً فگر حته بانزين ميشترون ياخذون من
الجيران) تكوم تفتح الشباك وترجع وتخربط بوجها خاف جان مرتب لالا صار بعد
ارتب الركبة غير لون عن الوجه كلششششششششش حلو
عاااااااااااااااااااااا ..

بعدين تبدل ومتريد تتريك لانه الحمرة مو مال تمسحها وترجع تحطها لانه سطعش الف طبقة
بحيث تطلع ضاربة بوكس بشفتها عبالك بطوط

المهم اجة ابو الخط .

جق جق جق ( هاي صوت الكعب ) مالتها خطية الحذاء متعرف تمشي بيه وينهه وين الكعب العالي ههههه
لو تلبس حذاء فلات مكيفة عبالها هي ميليسا

المهم وصلت للكلية قبل متروح للمحاضرة تركض ركض وييييييين ؟؟؟؟؟؟؟؟؟؟
للتواليت !! حبيبي هناك تصير عركه كل يوم ماكو هيج يعني حته بالمصارعه ممار
عليه هجي شي ديتعاركون ع المراية ( لا اله الا الله) شوكت يعقلن (من وراكم
راح يهجون الولد من الكليه لا والله من العراق كله) عااااااااااااا

المهم توصل الخاتونة (اوي هاي شنو اوي عفية عندي محاضرة اهووو) تطلع برة
تفتح الجنطة الي هيه صايرة كنتور جايبة مراية الحمام ومشط بيبي والمكياج
وبالك عنه (اسكت وخليهه)
وترجع تخيط وتخربط المهم خلصت راحت للمحاضرة.

تفوت بسرعة بشارع الرئيسي مال الجامعه وعينها ع الكاع مو خجلاً ( لالالالا)
المشكله وره كل هذا التعب واللبخ والبياض بعدهه مواثقه من جهرتهه (انا لله
و انا اليه راجعون)

توصل للشعبة الاستاذ ( هاي شنو هلتاخير انسة ) الخاتونة ( استاذ ابو الخط
تاخر والمفخخات عفية استاذ بلييييز >>هجم بيتج هي مال تفييك من
الصباحيات عااااااا . طبعاً الأستاذ ميحجي وياهه (زعطوطه قابل شيكللهه
ويدري بهلكلاوات كلهن نفسهن كل سنه ينعادن)

تفوت المسعدة تكعد طبعا جهرتها مقلوبة هاي شنو حارة اوي
تطلع المهفة من الكنتور مالتهه (الجنطة) المهم خلصت المحاضرة ساعة بيش بالعشرة
......يلة بنات خلي ناكل فد شي.
بالكافتريا لويم الاصدقاء .................الخ (هيه بس تريد تكبل مو ملت روحهه محد يكلبهه)

شنو الاكل ؟ نستلة توتي ويه جبس وببسي وبطل مي شلون خبطتها ماعرف (هوه اليخبط بخلقته ميخبط بالزقنبوت)
طبعا هلحجي المي ينشرب بلگصبة والكلينكس ورة كل لگمة جبس ( لا يا الله شنو
هالنزاكه !!! وهيه بالبيت تسمسم بالدولكه وتمسح حلكهه بيدهه)
والنستلة التحلاية ورة متقبط معدتها علساس نازكة ايييييييي (لك ابويه وينج وين جروخج انتي)
هاي شبيكم مو الاخت معدتها صغيرة ولا الي يشوفها بلبيت تضرب التشريب بلخمسة .
عاااااااااااااا

(تجي للكلية كلماتجيب سيرة امها و ابوها كلة مامي وبابي وماتدرون بالبيت كلة يمة ويابا )
خلصوا الزقنبوت دترجع للمحاضرة واجتي نسمة هوة الاخت شسوت لزمت الكذلة
العفو (البچم) خاف لايطير لانه البوز شلون وهناك تباوع ع لساعة تلكة نفسها
تاخرت ع لمحاضرة من وره لعبان النفس مال الكافتريا ( بنات خلي نضرب
المحاضرة اكو فد شاب كلش كلش حلووووووووو واكف هناك خلي اوكف كدامة بلكت
الله يهديه ويصارحني وبعدين نتزوج ونجيب جهال الله وتحسدوني عليها
بهالاثناء تلكة الصديقات ديهزون بيها حته تكعد من احلام اليقظة ) (متدري
حته لو ابلاش محد يكلبهه)
عااااااااااااااااا

طبعاً حرام شكو ولد حلو لازم تتحارش بيه وصديقاتها يكولنه ولج بابا كعدي
راحه . هيه لا لا لا لازم اكبل !! لازم اكبل !! اذا ما اكبل هسه بعد محد
يكلبني وره الكليه . ولج بويه الولد يحبون البنيه الهادئه المحافظه على
روحهه ميردون الملطلطه امثالج . همه هم حالهم حالج هم يريدون يكبلون خوما
يكبلون ويه وحده مخبله !!

المهم خلص الدوام وهي كاعدة بالخط قرروا ياكلون آيس كريم ( تفتح الكنتور
(الجنطة) تطلع المكياج والباودر وتبدي تلطخ فوك العرك والمكياج مال الصبح
كلة يصير لبخ رهيب ) (عاصفة الصحراء) بحيث ياهنود حمر !! ياهندوس !! يصير
ثلث خطوط يمنة وثلث خطوط يسرة علخدين الله تخبووووول .

وصلت للبيت ماما مخروعة عن التاخير متدري بتها يم ابو الموطا عبالها مفخخة
بلطريق تجي الخاتونة (شلونج يمه) .. خلص انتهى الحوار تصعد تبدل وتنام
لاغسل لاتشحيم ولا اي شي وتجرها لليل (تالي تنام بالجيفه مالتهه) ونفس
الروتين ينعاد ثاني يوم

» أسئلة مشروعة موجهه الى السحالي
» نشرت صحيفة الماركا غلافها اليومي لهذا اليوم